Во Скопскиот регион, пожарот кој започна вчера на Скопска Црна Гора е под контрола, екипите се на терен и интервенираат на целосно гаснење на пожарот.

Во Македонски Брод, има четири активни шумски пожари и тоа во атарите на селата Крушје, Локвица, Грешница и Долно Ботушје. На терен се испратени екипи од ШС Сандански – Македонски Брод.

Во Битолско, пожарот кај м.в.Висока глава, с.Метимир, кој започна вчера, сеуште е активен, а со истиот гори сува трева во стара сеча. Од утрово на терен интервенираат вработени во ШС Кајмакчалан – Битола.

Во Охридскиот регион пожарите во атарите на селата Поум и Луково (општина Струга) се локализирани.

Центарот за управување со кризи упатува апел до граѓаните да внимаваат при посети на отворени места или при работни активности во шумите и други локации кои се со обрасната или необрасната шума. Поради опасноста од пожари, посебно се предупредува да не се палат стрништа или оган на отворен простор на необезбедени места, меѓи и други површини, да не се фрлаат шишиња и друга стаклена амбалажа и отпад, да не се врши палење отпад и друг запалив материјал и да не се фрлаат остатоци од цигари на отворен простор.

Истовремено, ги потсетуваме граѓаните, доколку забележат одредени сомнителни места во кои е присутен оган или дим, веднаш да ги известат надлежните служби во најблиските институции и установи или да се јават на телефонскиот број 195, како број за итни повици на Центарот за управување со кризи.

Исто така, потенцираме дека државниот инспекторат за земјоделство и државниот инспекторат за шумарство и ловство вршат постојани контроли на терен со цел превенција од пожари предизвикани од палење на стрништа. Лицата кои ќе се затекнат како палат оган на отворен простор, или пак поради невнимание предизвикале пожар, подлежат на законски санкции. За намерно предизвикување на пожари, претстојат кривични пријави и предвидени парични и затворски казни.

Детали
Посети: 561

На предлог на Министерството за здраство, Владата на 89 - та седница заклучи препораките кои се однесуваат на преземање превентивни мерки од топлотни бранови, донесени на 21.07.2015 година, да прозолжат да важат до 4.08.2015.

Со овие мерки се препорачува на работодавците:

а) бремените жани и хронично болните лица со возраст од над 60 години да бидат ослободени од работните обврски и

б) реорганизација на работното време за градежните работници, со тоа што ќе го прекинат работниот процес во период од 12 до 17 часот.

Детали
Посети: 1912

Тетовски регион

На ден 03.08.2015 година, подрачјето на општина Тетово беше зафатено од силно невреме, проследено со силни врнежи од дожд, при што се причинети огромни штети, поплавени се куќи, има човечки жртви, како и повредени лица. Веднаш биле активирани сите расположиви капацитети за расчистување на последиците од невремето.

Вчера 2 багери од ЕЛС Боговиње биле ангажирани во чистење напатниот правец кој го поврзува с.Камењане со автопатот Тетово - Гостивар. По 3 часа истиот е пробиен. Моментално на терен работи еден багер кој ги расчистува нанесените материјали од каналите.

 Со 2 багери кои работеле цела вечер, во 04:00 часот е пробиен горниот пат во с.Доброште. Во 05:00 часот е пробиен и патот Тетово - Јажинце и повторно е воспоставен сообраќајот на тој патен правец. Сообраќајот се одвива отежнато бидејќи сеуште има остатоци од земја. Цела вечер активно се работело во нормализирање на условите. Во расчистување на последиците од невремето учествувало и месното население, а цело време присутен бил и Градоначалникот. Моментално се интервенира со еден багер за дорасчистување на наносите од земја. Во с.Доброште поплавени се и помал број на куќи, а во селото исто така нема вода.

 Во опш.Желино проблеми има само во атарот на с.Требош каде е излеана Поројска река и го има пресечено патот што води кон Тетово. Од општината се излезени на терен и вршат увид на новонастанатата состојба.

Од ЗЗЗ Тетово добиено е известување дека водата за пиење од земените мостри, хемиски и технички е исправна за пиење додека бактериолошки ќе се знае по изминати 24 часа. Претставници од ЗЗЗ Тетово во текот на денот ќе извршат испитување во повеќе делови од градот.

Сеуште се чисти патниот правец Тетово - Јажинце во делот на с.Порој, но достапен за сообраќај е алтернативниот пат кој поминува низ с.Порој. Во с.Речица на терен се присутни претставници од сите субјекти а во санацијата е вклучено и месното население.

Од МВР Тетово известуваат дека во текот на вчерашниот ден загинале 4 лица, а за исчезнато се води 1 лице од с.Лисец.

 

Прилепски регион

Во опш.Прилеп забележано е невреме со силен дожд, на одделни место со град проследен со силен ветар. Според добиените информации од УХМР наврнати се 33л/м2, и ветар од 50 км/ч. Според надлежните од УХМР количината на дожд на некои делови надминувала 40 л/м2.

Од невремето настанало оштетување на ел. мрежата, излевање на водата од канализационата мрежа а на одредени места излеана била и Градска река, поради градежните работи на прочистителната станица.

Пријавени се вкупно 52 оштетувањња на објекти (навлегување на вода во подрумски простории, оштетени кровни конструкции и канализациона мрежа. Во невремето навлезена е вода во подрумските простории на Општинскиот суд и во Старечкиот дом каде е оштетена кровната конструкција. Активиран е и Општински штаб на Општина Прилеп и за остранување на последиците на невременото на терен се ангажирани екипи на ЈП Комуналец Прилеп, ТППЕ Прилеп, ЈП Водовод, ДЗС ОО Прилеп. ЕВН Кец Прилеп има ангажирано екипи за отстранување на дефекти во електро мрежата. Во овој момент без електрично напојување се населените места во ЕЛС Долнени: Житоше, Борини и Лажани, во ЕЛС Прилеп без електрично напојување срлата: се Веселчани и Загорани.

Детали
Посети: 1845