Пожарот кој избувна вчера во атарот на село Драмче во Стамболиска маала опш. Делчево е сеуште активен. Зафатени беа и атарите на селата Селник и Киселица. Гори борова шума и сува трева. Во гасењето на пожарот учествуваат Територијалните противпожарни екипи од Делчево, Берово, Кочани и Македонска Каменица, вработени од Шумско Стопанство Голак - Делчево, ЈПКД Брегалница - Делчево, Регионалниот центар за Гранични работи - Исток, РЦУК Делчево, доброволци од градот Делчево и жители од месното население. Во гасењето исто така интервенираа и два авиони од ДЗС. Со гасење на пожарот се продолжи рано утрово, а пожарот е моментално активен во атарите на селата Селник и Драмче, додека запрено е ширењето на пожарот кон границата со Р.Бугарија и кон с.Киселица.