Информација за пожари во кризниот регион и други во Македонија до 17:00 ч. (20.08.2017)

Охридски регион

Пожарот во атарот на селата Вапила и Расино каде гори мешана шума е активен. По интервенцијата на авионите на ДЗС во претпладневните часови дојде до смирување на пожарот и негова контрола. Меѓутоа, поради силниот ветар пожарот се обнови во правец на с.Сирула. На местото на пожарот се наоѓаат екипи на ТППЕ-Охрид и ШС Галичица-Охрид. Моментално нема опасност од загрозеност на населни места од пожарот.

Пожарот на атарот на с.Делогожда-Струга кој се појавил во текот на вчерашниот ден моментално е под контрола. На местото на пожарот се наоѓа екипа на  ТППЕ-Струга која го контролира опожарениот простор.

Пожарите во Македонски Брод се под контрола, а лица од ШС М.Брод вршат контрола на просторот кој што беше опожарен.

Велешки регион

Пожарот во атарот  на с.Џидимирци е ставен под контрола. Екипите на ШС Бабуна и ТППЕ Велес се на терен и вршат обиколка и контрола.

Околу пладне пријавен пожар во атарот на с.Попадија, мв Василеви гробишта. Пожарот е на непристапен терен и гори со слаб интензитет. Екипа од ТППЕ Велес е на терен и се очекува истиот ноќеска да се изгаси.

Струмички регион

Пожарот во атарот на с.Казандол према  с.Фурка околу 12.00 часот е ставен под контрола. Нема активно горење, а на терен се наоѓаат вработени од ШС Валандово.

Кумановски регион

Околу пладне ТППЕ Кратово интервенира во с.Железница на запалена сува трева и мешовита шума. Пожарот е сеуште активен и во гасење на истиот учествуваат и лица од Шумско стопанство Кратово.