Северен (скопски) плански регион

Во текот на вчерашниот ден во доцните попладневни часови пријавен е пожар на ниска деградирана шума помеѓу селата Никиштани и Грачани. Се работи за пожар на непристапен терен.

Пелагониски плански регион

Пожарот кај с.Дрен е активен. Со истиот зафатена е сува трева, чалија, смрека, ниско стеблеста како и стара дабова шума. Во текот на вчерашниот ден интервенираа ТППЕ Прилеп и лица од ШС „Црн Бор“. Поради силен ветар пожарот се префрлил према селата Радобил и Гуѓаково, а од тука према Кавадаречко. Од рано утрово на терен се ТППЕ Прилеп, а се очекува да се приклучат екипи на ШС и Јавните претријатија.

На пожарот во с.Никодин, м.в.Јасенова Глава интервенираше екипа од ШС „Црн Бор“ – Прилеп, каде опожарена е површина од сува трева, чалија, смрека, даб и јасен.

Југозападен плански регион

Во текот на вчерашниот ден се појавил пожар кај м.в.Фрлогоец (Женска Планина) на Бистра планина каде гори трева, грмушка и смрека. На терен излегоа вработени во ШС Лопушник кои го контролираат теренот. Пожарот е високо на сртот на планината на потполно непристапен терен и не постои можност да зафати друг вид на квалитетна шума.

Во општина Македонски Брод пожарите се уште се активни и во текот на денот беа ангажирани следните сили и средства:

АРМ (на пожарот за атарот на с.Брест и с.Требовље, а подоцна се пренасочени на пожарот во с.Калуѓерец).

Екипите на ШС Македонски Брод, ТППЕ Кавадарци и ТППЕ Македонски Брод беа ангажирани за атарот на селата Могилец и Калуѓерец; Лица од ЕЛС Македонски Брод и лица од  месното население за атарот на с.Волче.   Екипа на ЈП Македонски Шуми вршат обиколка и контрола на сите локации на пожарите.

Повардарски плански регион

Пожарот кај (с.Ѓуѓаково – Прилеп) с.Галиште, општина Кавадарци е активен Во текот на вчерашниот ден интервенираше екипа на ШС „Бор“ – Кавадарци. Пожарот во текот на денот се ширел од правец на с.Гуѓаково кон Црна Река. Гори сува трева на многу висок и непристапен терен, а имаше и ветар кој го отежнуваше гаснењето. Од утрово на терен интервенираат  лица од ШС Кавадарци.

Тетовско-полошки плански регион

Пожарот помеѓу селата Туденце и Сиричино (опш.Јегуновце) е активен. Во текот на вчерашниот ден интервенираат вработени во ШС „Лешница“ – Тетово, додека ТППЕ Тетово биле на терен, но поради непристапноста не биле во можност да интервенираат.

Пожарот кај с.Гургурница (опш.Брвеница) е активен и во неговото гаснење учествуваат лица од месното население.