Скопски регион

Во општина Чаир, патот што води кон селата Танушевци, Малино и Брест е непрооден поради снежните врнежи. Исто така има прекин во снабдување со електрична енергија  во истите села.

Од ЕВН известуваат дека во високонапонската мрежа бележат испад на  правците кон селата: Држилово, Алдинци, Елово , Црвена Вода,  како и кон селата Кучевиште, Бродец, Побожје, Мирковец и околните населени места.

Битолски регион

Од жители од с.Древеник добиено е известување дека патот до селото е непрооден (има околу 50 см снег) и дека таму има 2000 овци и 5 овчари кои се останати без храна и потребно било со гасеничар да се интервенира на расчистување на патот. За ова се известени ЕЛС Битола и ДЗС Битола.

Во општина Демир Хисар се врши расчистување на сите патни правци кои се офатени со програмата за чистење, освен за селото Зашле кад епоради постепеното топење на снегот се очекува истиот да биде прооден.

Без електрична енергија се селата: Сувогрло, Радово, Брезово и Зашле.

Во општина Крушево без електрична енергија се селата: Горно и Долно Дивјаци, Арилев и Пуста Река заради деект во напојувањето кај село Жван.

Велешки тегион

Поради дефект во електро мрежата без напојување со електрина енергија се селата: Отовица, Иванковци, Дорутовец, Кумарино, Новачани и населено место Росоман.

Охридски регион

Во општина Македонски Брод снежната покривка во повисоките населени места над 500 метри, изнесува 20 до 30 см и локалните патишта се проодни за теренски возила. Во текот на денешниот ден ангажирани се машини за чистење на локалниот пат Томино село а во попладневниве часови или во утрешниот ден ќе се чисти локалнот пат за Крушје.

Поради дефект на електро мрежата, без електрична енергија се селата: Крушје, Томино и Битово

Во општина Кичево по вчерашното расчистување на пониските селски населби денес отпочна расчистување на снегот до патиштата до повискоките селски населби.

Прекин во снабдувањето со електричната енергија има во селата Туин, Припадишта, Србица, Белица, Доленци, Другово, Пополжани, Доленци и Подвиц.

Во општина Дебар  без напојување со електрична мрежа се селата: Центар Жупа, Требиште, Модрич, Битуше, Ростуше, Јанче, Аџиевци, Скудриње, Могорчр, Горно Долно Косврасти и околните села.

Кумановски регион

Во општина Липково патните правци кон повисоките населени места како што се Гошинце, Лукаре, Пресница, Брест, Стрима, Рковце и др. можно е движење само со теренски возила. Од општината известиле дека во втора фаза на расчистување кон истите ќе дејствуваат во текот на денот и утрешниот ден.

Без напојување со електрична енергија  се ул. Октомвриска револуција, ул. Егејска Македонија, ул. Моша Пијаде, ул. Ѓорче Петров, ул. Тракторска, како и селата: Драгоманце, Жегљане, Арбанашко, Рамно, Длабочица, Буковљане, Осиче, Облавце, Орах, Руѓинце, Јачинце, Довезенце, Бељаковце и околните села.

Во општина Крива Паланка локалниот (земјен) пат с. Дурачка Река– с. Дренак, е непрооден поради висина на снег и отсечено е с.Дренак.    

Во општина Ранковце регионалните патен правец Ранковце– с. Герман е прооден до с. Пклиште, од с. Пклиште до с. Герман е непрооден поради висина на снег на патот. Патот ќе се чисти во текот на утрешниот ден. Отсечении се селата Герман и Пклиште.Локалниот пат (земјен) кон с. Криви Камен е непрооден поради висина на снегот. Отсечено е с. Криви Камен.

Без електрична енергија се корисниците од с.Герман и с. Нерев

Во општина Кратово сообраќајот на локалниот патен правец од Кратово до  с.Мушково до с.Каврак не се одвива. Отсечени се селата Близанци, Луково, Куново, Мушково, Нежилово и Каврак поради снежна покривка од 50-60 см. Пробивање на овој патен правец е започнато и ќе продолжи и во текот на утрешниот ден На локалниот патен правец с.Туралево – с.Коњух  сообраќајот се одвива  со возила со зимска опрема.  Патниот правец од с.Сакулица до с. Татомир е тешко прооден поради висина на снежната покривка која е 20-25 см.