На ден 04.02.2021 година, в.д. директорот на Центарот за управување со кризи, Стојанче Ангелов, беше во работна посета во Република Албанија во рамки на спроведувањето на НАТО регионални проекти во делот на управување со кризи, заедно со стручни лица од Центарот за управување со кризи заедно со кодиректорот на проектот НАТО СПС НИКС (NATO SPS NICS), д-р Урим Вејсели. Тоа е и продолжување на соработката на Република Северна Македонија и Република Албанија токму во делот на управувањето со кризи на којшто присуствуваа заменик министерот за одбрана на Република Албанија, господин Петрo Кочи, директор на Националната агенција за цивилна заштита на Република Албанија, господин Хаки Чако, генерален директор (на Генералниот директорат) на Службата за заштита и спасување од пожар на Република Албанија, господин Алфред Кристули.
Тоа е конкретно настан директно поврзан со обуката за веб-базираната комуникациска платформа „Следна генерација на Систем за командување и управување со инциденти“ (Next-Generation Incident Command System – NICS) и е дел од проектот „Напредна регионална координација при цивилни итни состојби“ во Западен Балкан којшто се имплементира во рамки на Програмата на НАТО - Наука за мир и безбедност (NATO SPS).
Во своите воведни обраќања, заменик министерот за одбрана и генералниот директор на Националната агенција за цивилна заштита на Република Албанија, изразија задоволство со пофални зборови за спроведувањето и соработката за проектот.
В.д. директорот на Центарот за управување со кризи, Стојанче Ангелов, во своето воведно обраќање, заблагодарувајќи им на домаќините за организацијата на настанот и посакувајќи успешна реализација на претстојната NICS обука наменета за персоналот во Р. Албанија, рече:
„Почитуван заменик министер за одбрана на Република Албанија, господин Петрo Кочи, генерален директор на Националната агенција за цивилна заштита на Република Албанија, господин Хаки Чако, почитуван генерален директор (на Генералниот директорат) на Службата за заштита и спасување од пожар на Република Албанија, господин Алфред Кристули, почитувани присутни, прво би сакал да ви се заблагодарам за поканата да присуствувам на овој значаен настан.
Веб-базираната комуникациска платформа „Следна генерација на Систем за командување и управување со инциденти“ (Next-Generation Incident Command System – NICS) е дел од проектот „Напредна регионална координација при цивилни итни состојби“ во Западен Балкан кој се имплементира во рамки на Програмата на НАТО - Наука за мир и безбедност (NATO SPS).
NICS претставува едно од најсовремените технолошки постигнувања во полето на кризниот менаџмент, а Република Северна Македонија и земјите од регионот (Република Хрватска, Црна Гора и Босна и Херцеговина) ја имаат можноста и привилегијата во целост да го имплементираат овој систем до крајот на 2021 година.
Како алатка за просторно прикажување на податоци во насока на справување со настаните и појавите во реално време, NICS овозможува брза и ефикасна комуникација и координација помеѓу надлежните служби со цел побрзо донесување одлуки за ефикасно справување. Алатката истовремено овозможува целосно и вистинито информирање на медиуите и граѓаните во насока на подигање на свесноста и разбирањето на ризиците.
Центарот за управување со кризи, како координатор на проектните активности во Република Северна Македонија, има успешна соработка со институциите во земјата кои се дел од проектот, вклучително и со земјите партнери од регионот и пошироко.
Им благодарам на домаќините за организацијата на настанот и воедно посакувам успешна реализација на претстојната NICS обука наменета за вашиот персонал.
Во таа насока, ви посакувам понатамошна плодна соработка со Центарот за управување со кризи.“
+389 (0)2 3249 101 
