Прилепски регион
Во координација со Македонија Пат, РЦУК Прилеп и Гранична Полиција договорено е да се пушти возило за опесочување на регионалниот пат Прилеп – Витолиште кој е прооден со зимска опрема.
Во општина Демир Хисар патниот правец за с.Радово е непрооден и поради паднат електричен столб каде дел од населеното место е без напојување со електрична енергија.

Ресенски регион
Во општина Ресен поради дефект без електрична енергија се селата Љубојно, Брајчино и Долно Дупени.

Кичевски регион
Во општина Кичево во моментот има прекин со електрична енергија во селата Цер, Кладник, Црско, Вранештица, Извор, Душегубица, Попоец, Малкоец и Иванчишта.

Дебарски регион
Во општините Дебар и Центар Жупа непрооден е патот кон с.Лазарополе.

Велешки регион
На подрачјето на општина Чашка сообраќајот се одвива отежнато со користење на зимска опрема, освен локалниот пат с.Богомила - с.Нежилово - с.Ореше.
Во општините Свети Николе и Лозово во моментот, поради снежни намети створени од силниот ветер, не се проодни патните правци кон селата Трстеник, Сопот, Преод, Малино, Крушица и Алакинци, Стањевци, Павлешенци, Долно Ѓуѓанци, Орел, Ранченци, Мечкуевци, Патетино, Мустафино и Црнилиште.

Кумановски регион
Во општина Липково патните правци во планискиот дел кој гравитират кон селата Алишевце и Гошинце се проодни но сообраќајот се одвива во отежнати зимски услови.
Во општина Крива Паланка локалниот пат с.Дурачка Река - место викано Метов – с. Дренак е непрооден.

Гостиварски регион
Во општина Маврово – Ростуше непрооден е само патот до с.Галичник.

Од Македонија Пат и АМСМ известуваат дека сеуште се на сила забраните за сообраќај за тешки товарни возила на патните правци крак Маврово – Дебар и Гостивар – Кичево преку планинскиот превој Стража се сеуште на сила.