Југозападен плански регион

Пожарот во општина Кичево, на м.в.Фрлогоец (Женска планина) на Бистра планина е активен и со мал интензитет. Гори пасиште (сува трева и смрека) и ниско стеблеста деградирана дабова шума.

Повардарски плански регион

Пожарот во Богомила е под контрола. Од пожарот во текот на вчерашниот ден беа зафатени и неколку прагови од пругата. Со помош на месното население пожарот е ставен под контрола и е организирано дежурство во текот на ноќта.

Во општина Кавадарци, пожарот во Галиште е активен, но под контрола. Гори нискостеблеста шума и смрека. На гаснење на пожарот работеа ЕЛС Росоман, месното население од Росоман, лица од ЈП Македонски  шуми и други. Во текот на денешниот ден се организираат нови активности за гасење.

Пелагониски плански регион

Пожарот во близина на населените места Мажучиште, Мраморани и Горно Село, повторно е активен  во правец на с.Горно Село. Гори сува трева. Во текот на вчерашниот ден интрврнираа екипи на ТППЕ Прилеп, Јавните претпријатија и ЕЛС, како и месно население. Состојбата на пожарот се менува заради неповолните временски услови (дува силен ветар кој го менува правецот на пожарот).

Источен плански регион

Пожарот кај с.Кованец, м.в.Милош, е локализиран. Интервенираа екипи на ТППЕ Гевгелија и вработени во ШС „Кожуф“ – Гевгелија.

Во текот на денешниот ден, екипа од ЦУК, ДЗС, МЗШВ и ЈП Македонски шуми врши извидување, набљудување и процена на состојбата со пожарите од хеликоптер.