Информација за пожари во кризниот регион и други во Македонија до 19:30 ч.

Пожарот кај Јасеновска глава од страна на с.Попадија е локализиран. Интервенирале вработени од ШС „Бабуна“.

Пожарот кај Богомила, пред тунелот на пругата за с.Гостиражни (Прилеп), е под контрола. Интервенираат од ШС „Бабуна“ – Велес и лица од месно население од с.Богомила.

Пожарот на подрачјето на с.Галиште, со кој е зафатена сува трева, е под контрола.

Пожарот во близина на населените места Мажучиште, Мараморани и Горно Село, повторно е активен  во правец на с.Горно село каде гори сува трева. На терен има екипи од ТППЕ Прилеп, Јавните претпријатија во Прилеп и месно население.

Пожарот во близина на селата Крушевица и Бонче е под контрола.

Пожарот кај с.Никодин е ставен под контрола, а на терен има вработени од ШС „Црн Бор“ Прилеп

Шумскиот пожар во атарот на с.Норово е локализиран, а теренот го контролираат ТППЕ Крушево, ШС Липа Крушево и месно население.

Пожарот на м.в.Фрлогоец (Женска планина) на Бистра Планина е под контрола и со мал интензитет.

Пожарот кај кај с.Кованец м.в.Милош кој беше локализиран претпалднето од страна на ТППЕ Гевгелија и вработени во ШС „Кожуф“ Гевгелија, попладнето повторно е активен. На терен дејствува екипа од ШС Кожуф. Гори сува трева и деградирана шума (даб и прнар).