Drejtori i Qendrës për menaxhim me kriza, Stojançe Angellov, sot pas lajmërimit në QKM nga banorët e përhershëm dhe kryetari i bashkësisë lokale të Galiçnikut, ka inspektuar gjendjen e rrugës së mbuluar me borë në lëvizjen nga Mavrovi Anovi në Galiçnik.

Nga drejtori Angellov dhe Qendra Operative në QMK janë kontaktuar organet kompetente që sa më shpejt të angazhohen dhe të pastrojnë rrugën nga reshjet e borës në Galiçnik, në këtë rast Ndërmarrja Publike për mirëmbajtje dhe mbrojtje të autostradave dhe rrugëve rajonale.

Me këtë rast u bëjmë thirrje edhe një herë qytetarëve në fshatra dhe vendbanime, ku në periudhën e dimrit rrugët janë kryesisht të pakalueshme dhe të mbuluara me borë, nëse kanë gjendje të rëndë shëndetësore apo të rrezikshme për jetën, të lajmërohen në QMK në numrin 195.